क्षण

एकदा आमच्या भांडणात
शब्दच रुसून बसले ,
हळुवार जवळ घेताच त्याला
शब्द खुद्कन हसले ...

गुलाब

ढळणारे अश्रू
भिजलेले मन..
गुलाबला काय ठाव ते
मुग्ध रुपेरी क्षण...

मृगनयन

मृगनयनी नयन तुझे
करिते मृगया मम मनाची,
अधीर हृदय माझे
भ्रांत नसे मज काळाची ...

कळ

अहा तुझा लाजणं 
तरंग उठतात मनात ,
तुझ्या डोळ्यातील अबोल प्रीत
कळ थेट माझ्या हृदयात ...

श्रावण

चिंब भिजवणारा, हवासा वाटणारा
माझ्यासोबत नव्याने स्वप्ना रंगवणारा ,
थेंबा-थेंबातून मनात उतरणारा
माझा श्रावण मलाच भेटणारा ...

काहूर

छन छन छन पाऊस
नकळत बरसून गेला ,
मनात अस्पष्टसे
काहूर माजवून गेला...
- प्राची (धुंद फुलपाखरू)

गाडं

तुझ्या माझ्या नात्यात
सगळं कसं अवचित घडतं,
मी गप्पं बसले कि
तुझं गाडं अडतं ...